* Jahotanastisï jorhemperakuechani jimanki kome janteka Churintzio, Nuevo San Juan Parangaricutiro ka Nahuatzen anapuecha
*Morelia, Michoacán, 22 de marzo de 2023.-* Menki jauenasïnti intsïmperakua uetarhenchantskuecheri ka lentes arhikatecheri jima enki santaru uetarhejkasï Secretaría de Educación del Estado (SEE) nirasti Churintzio, Nuevo San Juan Parangaricutiro ka Nahuatzen.
Enki na uantaka juramuti jorhenkuarhikueri, Gabriela Molina Aguilar, menki jauenasïnti anchikuarhinani jimpoka uetarhejka sesi jantskantani jorhemperakuecharhu, ka uni enki sapicha iretecheri enki xani kome janteka anapuecha, menki jauenakasï jorhenkuarhini.
Anchikua tumineri imankuni jarhoatanaka Churintzio ka Nuevo San Juan Parangaricutiro arhajchakusïnti millón ka medio de pesos, ka jarhoatanasti
14 jorhemperakuechani sapicheri, uetarhenchantskuechankuni ka uetarhekuechankuni. Ka Nahuatzen, intsïmpenastisi lentes arhikatecha 688 sapicha, 27 jorhemperakuecheri jima enki kome janteka, ka unasti jarhoajperakuankuni Kunkuarhikueri Ver Bien Para Aprender Mejor.
Ka isï, unasïnti na enki uantaka Juramuticha Erechikueri anapuecha jorhenkuarhikuankuni, jarhoatanani k’uiriperakuankuni sapicheri ka sesi nitamakua jorhemperakuecharhu, ka isï santaru sesi jorhentanati sapicha, ka menki jauenani anaxutani enki xani uemukuntanaka jorhemperakuecharhu, xajkani enki xani p’amenchakua japka.
Intsperakuecha unastisï jarhoajperakuankuni juramuticheri jima Nuevo Parangaricutiro anapu, Jesús Espinoza; Nahuatzen anapu, Juan Carlos Onchi; y Churintzio anapu, Alejandra Pimentel. Ka juramuticheri Administración ka Educación Básica anapuecha, Gustavo Valenzuela ka Carmen Escobedo; ka imeri Unidades Regionales anapu, Martín López.
